Libro: Cando Martiño tivo ganas de mexar na noite de Reis

Unha edición especial dun clásico do Nadal cun diorama deseñado polos autores para xogar cos seus personaxes e representar a historia.
O seu pai advertiuno: os Reis Magos non lles deixan regalos aos nenos que están espertos. Pero na metade da noite, Martiño
espertou con moitas ganas de mexar. Cun texto rítmico, cheo de humor, e unhas ilustracións que destacan pola súa expresividade e forza comunicativa, este particular conto de Nadal mostra a emoción que un neno experimenta nunha das noites máis especiais do ano. Unha historia publicada hai máis de 25 anos que segue cativando a pequenos e maiores e que regresa ás librarías nunha nova edición cun diorama deseñado polos autores co que poderás recrear a casa do seu protagonista e vivir as súas intensas emocións, para seguir cantando xuntos:
O tren de Martiño, chu, chu, chu,
vai polo camiño, chucu, chucu, chu.